బందేమాతరం
బంద్ ఎవరు ఎవరికోసం, ఎందుకు చేస్తున్నారో ?
పెట్రోల్ రేట్లు పెరిగినందుకు ప్రతిపక్షాల బందు.. మరి ప్రజలని, ప్రజావసరాలని ఎందుకు బంద్ చేస్తున్నారు. అది ప్రభుత్వానికి వ్యతిరేకం గానా..అప్పుడు ప్రభుత్వానికి ఎలా తెలుస్తుంది.. అది వారికి వ్యతిరేకత ఎలా అవుతుంది..
బస్సులు పగలగొడితే బందు సంపూర్ణమౌతుందా.?
ట్రాఫిక్ ఆపేసి..షట్టర్లేసేసి..అద్దాలు పగలగొట్టి ..ఇదెక్కడి నిరసన..ఎవరికోసం చేసే ప్రతిఘటన.
గవర్ణమెంటు ఆఫీసులు పనిచెయ్యకుండా చేస్తే..ముఖ్యమంత్రి ముందు నిరసన తెలియజేస్తే..సచివాలయం ముందు బైఠాయిస్తే కనీసం వాళ్ళకి తెలుస్తుందేమో..పొద్దున్నే పార్టీ జెండాలు పట్టుకుని ..తిరిగేసి..భయపెట్టి మూయించేసి.తరువాత వైన్ షాపులకెళ్ళి ఫుల్లుగా మందుకొట్టేసి పార్టీ ఖర్చుని పార్టీ ఖాతాలో రాసేసి..బందు విజయవంతమైందనుకుంటే సమస్య తీరుతుందా..సమస్య తీరేదాకా పోరాడాలి..ఒకరోజు బందు చేసేసి మేమూ పోరాడాం ప్రజల కోసం అరెస్ట్ అయ్యాం అని చెప్పుకోవడం కాదు ..ప్రజలు స్వచ్చందంగా పాలొగొనేలా వాళ్ళకి అర్ధమయ్యేలాగా చెయ్యాలి..ఏదో న్యూస్ చానెల్ లో స్క్రోలింగు చూసి ఓహో ఇవాళ ఏదో బందట ..ఆఫీసుకి వెళ్ళక్కరలేదు..అనో..ఇవాళ ఎలా వెళ్ళాలిరా భగవంతుడా అనో అనుకుంటున్నారు తప్ప..ఆ బందు ఎందుకో..సామాన్య మానవుడికి మాత్రం..తెలీదు..
నచ్చితే నలుగురికీ చెప్పండి..నచ్చకపోతే నాకు చెప్పండి 
