తేనెలొలుకు మన తెలుగు భాష

తేనెలొలుకు మన తెలుగు భాష

వెన్నెలచందముగ వెలుగు భాష.

వేల వత్సరముల ప్రాచీన భాష
వేద భూమిపై వెలసిన భాష

పదహారణాల పసందైన భాష

పద్యాల పదునున్న హృద్యమైన భాష

రామాయణమందించిన కవయిత్రి మొల్ల భాష
భారతమ్ము రచియించిన కవిత్రయమ్ము భాష

వేంకటేశ్వరుని కొలిచిన అన్నమయ్య భాష

శ్రీ రాముని కీర్తించిన త్యాగయ్య భాష

భద్రాచల రాముని సేవించిన కంచెర్ల గోపన్న భాష
శతకములో బతుకు బాట చూపిన యోగి వేమన్న భాష

పంచదార భాష, పాల బువ్వ భాష
తేనె లొలుకు భాష..ఎంకి కులుకు భాష  మన తెలుగు భాష

ప్రపంచ వ్యాప్తంగా ఉన్న తెలుగు వారందరికీ

శ్రీ వికృతినామ సంవత్సర ఉగాది శుభాకాంక్షలు

కస్తూరి ఫణి మాధవ్

నచ్చితే నలుగురికీ చెప్పండి..నచ్చకపోతే నాకు చెప్పండి